Reximènto

I° REGJMENTO DI INFANTERIA VENETO REAL

soldatini1[1]2

 

El I° REGJMENTO INFANTERIA “VENETO REAL” xe la prima ricostrusion storica documentada in asoluto de una Compagnia in tempo de paxe de un Regjmento de la Repubblica de Venetia. El indosa, ne le mostre, le ultime uniformi de l’Esercito de la Serenissima datae atorno a l’ ano 1785-1795 e l’esegue e manovre a norma de l’Esercisio Militar e regoa Universal de l’Infanteria Veneta curada da Felz Marescial M. J. Von Schulemburg, tomo publicà in Venetia in esecusion al’ Ecelentisimo Senato in data de 22 otobre 1732.

El persegue come fin, la divulgasion storica, cultural, atraverso le pratiche militari. Par mejo onorar le Venete Insegne, la storia de la Patria Veneta, i so Eroi, i so Principi. Infati el partecipa a le celebrasion de fati storici, o a le comemorasion de personagi importanti e fondamentai de la Serenissima Repubblica de Venetia. No de manco, partecipa a le rievocasion storiche, aplicae a la ricostrusion de situasion e loghi, assieme a altri grupi storici. Atualmente el grupo xe costituio da xovani apasionai de storia de la repubblica de Venetia e, in particolar, de la so organisasion miitare. I soci fondatori, fin da l’ano 2000, i gà intrapreso un atività de ricerca e de studio se le armi, tecniche de bataja e su le manovre de parata. Nel 2001, con besi sui , i gà inisià a farse le divise e a comprar i fuxii a avancarica, basandose sue ricerche fate. Nel disenbre del 2002 el grupo gà inisià a studiar con particolar atension el cerimonial de parata, catando testi originai del 1735 e del 1795.

 

El I° REGJMENTO INFANTERIA “VENETO REAL”®, nase da la volontà de un de i pi grandi comandanti Veneti, che dopo el xe stà anca Doge, Francesco Morosini, el xe così el Regjmento pi vecio de la Serenissima. Fondà nel 1685. El gera el pi anbio dai comandanti Militari Veneti e l’unico a no portar el nome del so Coloneo. Da specificar che el termine “Real” no indica l’apartenensa a una monarchia ma che el Regjmento xe forma da homani scelti. Sti homani i gera el mejo che gavea la Republica Veneta e i veniva da tuti i teritori de San Marco. Nel 1788, quando se gà deciso de numerar i Regjmenti de la Serenissima Repubblica de Venetia, al Regjmento Veneto Real xe stà dao par dirito el numero I, a significar l’ecelensa del corpo, stò numero el gera meso, in cifre romane, sui botoni de la velada. El Regjmento xe sta impiegà e el ga combatuo duramente par ani in Levante, 1685/1716, contro le trupe turchesche, fasendo ritorno in Patria ogni tanto nei periodi de calma. Nel 1740 el xe stà inpiegà ancora in Levante con mansion de presidio ne le fortese Venete. Nel 1797 con 450 homani e se trovava a Zara, Capital de lo Stato de Mar ai ordini del Coloneo Giulio Alberti.


El moto del Regjmento xe quelo che ga adotà el so creator, Francesco Morosini par lo so nave:
IN CERTAMINE PRIMA – PRIMI IN BATTAGLIA

Se ti xe un Veneto e ti ami la storia dea to Patria e questa te apassiona, se ti senti el dover de onorar i nostri gloriosi avi ed le loro gesta, se ti vol condividere queste pasion con noaltrii, alora no aspetar, scrivi e domanda de aruolarte nel I° Regjmento d’Infanteria Veneto Real.